May 16, 2025
ဘဏ်တွေက ကိုယ်ရေးကိုယ်တာအချက်အလက်တွေ၊ OTP ဒါမှမဟုတ် PIN နံပါတ်တို့ကိုမေးမြန်းမှာမဟုတ်ပါဘူး။ ဒါကြောင့် ဒီအချက်အလက်တွေကို ဘယ်သူ့ကိုမှ မပေးလိုက်ပါနဲ့။
တစ်ခုခု ဖြစ်ပြီဆိုတာနဲ့ သိသိချင်း KBZPay ရဲ့ Customer Service Call Center 3211 Ext: 4 ကိုပဲ ဖြစ်ဖြစ်၊ KBZ Bank Call Center 09-951018555 ဒါမှမဟုတ် နီးစပ်ရာ ကမ္ဘောဇဘဏ်ခွဲ (သို့) KBZPay Center သို့သွားရောက်၍ဖြစ်စေ၊ သို့ သွားရောက်ပြီး ဆက်သွယ်အကူအညီရယူလိုက်ပါ။
သတိရှိရှိနဲ့ နေထိုင်တာဟာ ဘေးကင်းလုံခြုံစေဖို့အတွက် အကောင်းဆုံး နည်းလမ်းဖြစ်ပါတယ်။
May 07, 2025
ငွေပေးချေမှုတွေအားလုံးချောမွေ့လွယ်ကူစေဖို့ ပေါင်းစည်းပေးချေမှု နဲ့ MMQR ကို ဖေဖော်ဝါရီလ ၂၅ ရက် ၂၀၂၅ ခုနှစ် မှာ စတင်ပြီး မိတ်ဆက်ခဲ့ပြီဖြစ်ပါတယ်။
MMQR ဆိုတာ မိုဘိုင်းပိုက်ဆံအိတ်နဲ့ ငွေပေးချေတဲ့အခါတိုင်းမှာ အသုံးပြုနိုင်ပြီး ပေါင်းစည်းပေးချေမှု စနစ်နဲ့ ပြုလုပ်ထားတဲ့ QR ဖြစ်တာကြောင့် သုံးစွဲသူတွေရော ရောင်းချသူတွေကြားမှာပါ အဆင်ပြေချောမွေ့မှုများစွာကို ပိုမို ရရှိစေမှာ ဖြစ်ပါတယ်။
ပေါင်းစည်းပေးချေမှု စနစ်နဲ့ ပြုလုပ်ထားတဲ့ MMQR ရဲ့ အဓိက အကျိုးကျေးဇူးတွေကတော့ Customer တွေက မည်သည့် မိုဘိုင်းပိုက်ဆံအိတ်ကို မဆို အသုံးပြုပြီး ငွေပေးချေနိုင်မှာ ဖြစ်တဲ့အတွက် KBZPay အသုံးပြုတဲ့ Customer များ အနေနဲ့လည်း ဆိုင်တိုင်းမှာ KBZPay မိုဘိုင်းပိုက်ဆံအိတ်တစ်ခုတည်းနဲ့ ငွေအလွယ်တကူ ဆက်လက် ပေးချေနိုင်မှာ ဖြစ်ပါတယ်။
တိုးတက်ခေတ်မီစွာပြောင်းလဲနေတဲ့ခေတ်ကြီးမှာ ငွေသားအသုံးပြုမှုမှသည် ခေတ်မီဒစ်ဂျစ်တယ်စနစ်ဖြင့် ငွေကြေးအသုံးပြုမှုစနစ်ကိုပြောင်းလဲတိုးတက်ဖို့အတွက် MMQR ဟာပေါင်းစည်းချိတ်ဆက်ပေးသွားမှာ ပဲဖြစ်ပါတယ်။
Apr 11, 2025
ပြင်းထန်သည့် ငလျင်ကြောင့် ဖြစ်ပေါ်လာရသည့် ပျက်စီးဆုံးရှုံးမှုများတွင် တဖက်တလမ်းကနေ ပါဝင်ကူညီလိုတဲ့မြန်မာနိုင်ငံတစ်ဝန်းရှိ နိုင်ငံသူ/နိုင်ငံသားများအနေဖြင့်ငလျင်ဒဏ်သင့်ပြည်သူများအတွက် စွမ်းစွမ်းတမံကူညီဆောင်ရွက်ပေးနေတဲ့အဖွဲ့အစည်းများရဲ့လိုအပ်ချက်တွေကို KBZPay ရဲ့ Donation (အလှူဒါန) ကိုအသုံးပြုကာပါဝင်လှုဒါန်းကူညီမှုများပြုလုပ်နိုင်ပြီဖြစ်ကြောင်းအသိပေးအကြောင်းကြားလိုပါတယ်။ KBZPay မှ တစ်ဆင့် လှုဒါန်းမှုများသည် သက်ဆိုင်ရာ
အဖွဲ့အစည်းများသို့ ၁၀၀% အချိန်နှင့်တပြေးညီ ပြန်လည် ထည့်သွင်းပေးသွားမှာဖြစ်ပါတယ်။
လိုအပ်တဲ့ကူညီမှုများပြုလုပ်ဖို့အတွက် စိတ်ဝင်စားပါက KBZPay ရဲ့ Home Page သို့ ဝင်ရောက်ပြီး Donation (အလှူဒါန) ကို ရွေးချယ်ကာ လှုဒါန်းနိုင်မှာ ဖြစ်ပါတယ်။
Donation (အလှူဒါန) ထဲရှိ
-မြန်မာနိုင်ငံ လူမှုကယ်ဆယ်ရေးအဖွဲ့ – မန္တလေးတိုင်းဒေသကြီး ကော်မတီ
Dec 31, 2024
မြန်မာနိုင်ငံတော် ဗဟိုဘဏ်မှ ၃၁ ဒီဇင်ဘာလ၊ ၂၀၂၄ တွင် ထုတ်ပြန်ထားသော မိုဘိုင်းငွေကြေး ဝန်ဆောင်မှုလုပ်ငန်းများ အသုံးပြု၍ လိမ်လည်မှုဖြစ်စဉ်များအား ကာကွယ်တားဆီးနိုင်ရေး အများပြည်သူသို့ အသိပေး ကြေညာချက်အား KBZPay အသုံးပြုသူများ သိရှိစေရန် ပြန်လည် မျှဝေအပ်ပါသည်။
ကြေညာချက် အပြည့်အစုံကို ဤနေရာတွင် ဖတ်ရှုနိုင်ပါသည်။
Dec 31, 2024
အသုံးပြုသူများအတွက် လုံခြုံစိတ်ချရသည့် ငွေကြေးဝန်ဆောင်မှုများ ရရှိစေရေးသည် KBZPay ၏ အဓိက ဦးစားပေးဖြစ်ပါသည်။ လတ်တလောတွင် အသုံးပြုသူအချို့၏ အကောင့်များသို့ OTP ကို ရယူပြီး PIN နံပါတ် ကို ခန့်မှန်းကာ ဝင်ရောက်သည့် ဖြစ်စဉ်များနှင့် ပတ်သက်ပြီး ကမ္ဘောဇဘဏ်မှ သိရှိသတိပြုမိထားပြီး ဖြစ်ကြောင်းနှင့် အသုံးပြုသူများ ငွေကြေးဆုံးရှုံးမှု မဖြစ်ပေါ်စေရေးအတွက် ကမ္ဘောဇဘဏ်မှ တာဝန်ယူမှု၊ တာဝန်ခံမှု အပြည့်ဖြင့် အကောင်းဆုံး ဝန်ဆောင်မှု ပေးလျက်ရှိကြောင်း အသိပေးအပ်ပါသည်။ ယခုဖြစ်စဉ်များကိုလည်း အမြန်ဆုံး စိစစ်ဆောင်ရွက်နေပြီး မြန်မာနိုင်ငံတော် ဗဟိုဘဏ်၏ ကြီးကြပ်လမ်းညွှန်မှု နှင့်အတူ စုံစမ်းထုတ်ဖော်သွားမည် ဖြစ်ပါသည်။
အသုံးပြုသူများ၏ ပုဂ္ဂိုလ်ရေးနှင့် ငွေကြေးဆိုင်ရာ အချက်အလက်များအား လုံခြုံစိတ်ချစွာထားရှိရန် အရေးကြီးပုံကိုလည်း လေးစားစွာဖြင့် ထပ်မံသတိပေးလိုပါသည်။
PIN နံပါတ်သည် လူကြီးမင်းတို့၏ ဒစ်ဂျစ်တယ်ငွေကြေးလုံခြုံစိတ်ချရမှုရှိစေရန် အရေးကြီးသည့် ဒစ်ဂျစ်တယ် သော့တစ်ချောင်း ဖြစ်ပါသည်။ PIN နံပါတ်အား မိတ်ဆွေအပေါင်းအသင်းများဖြစ်စေ၊ မိသားစုဝင်များဖြစ်စေ၊ ဘဏ်ဝန်ထမ်းများဖြစ်စေ၊ ကုန်သည် (merchant) များဖြစ်စေ မည်သူနှင့်မျှ လုံးဝ (လုံးဝ) မျှဝေခြင်းမပြုရန် အလွန်အရေးကြီးပါသည်။ လူကြီးမင်းနှင့်မည်မျှရင်းနှီးသူဖြစ်စေ PIN နံပါတ်ကို လုံးဝ (လုံးဝ) မမျှဝေသင့်ပါ။ ထိုနံပါတ်ကို KBZPay မှလည်း မည်သည့်အခါမျှ တောင်းဆိုမည်မဟုတ်ပါ။ PIN နံပါတ်သတ်မှတ်ရာတွင်လည်း ခန့်မှန်းရလွယ်ကူသော ဆင်တူဂဏန်းများ၊ မိမိ၏မွေးနေ့၊ မှတ်ပုံတင်နံပါတ်၊ ဖုန်းနံပါတ် အစရှိသည့် နံပါတ်များကိုရှောင်ရှားပြီး မိမိတစ်ဦးသာသိနိုင်မည့် ခိုင်မာသော PIN နံပါတ်မျိုးပေးထားရန် အထူးအရေးကြီးပါသည်။
OTP နှင့် PIN ထက် ပိုမိုကောင်းမွန်သော နည်းပညာ လုံခြုံမှုအားထပ်မံတိုးမြှင့်ရန်အတွက် biometric identification နှင့် device-based notification ကဲ့သို့ လုပ်ဆောင်ချက် များကို အကောင်အထည်ဖော်သွားရန် ဆောင်ရွက်လျက်ရှိပြီး အသုံးပြုသူများ၏ ဒစ်ဂျစ်တယ်ပိုက်ဆံအိတ် ပိုမို လုံခြုံမှုရှိစေရန် KBZPay မှ ဆက်လက်ဆောင်ရွက်သွားမည်ဖြစ်ပါသည်။
မသမာသူများမှ ငွေကြေး လိမ်လည်ရယူရန် ပြုလုပ်တတ်သည့် ကြိုးပမ်းမှုများနှင့် ပတ်သက်၍လည်း အလေးဂရုပြုကြပါရန် KBZPay မှ တိုက်တွန်းလိုပါသည်။ အယောင်ဆောင် အက်ပလီကေးရှင်းများနှင့် လင့်ခ်များ၊ အယောင်ဆောင် ဖုန်းခေါ်ဆိုမှုများနှင့် message များမှတစ်ဆင့် မသမာသူများသည် လူကြီးမင်း၏ အချက်အလက်များအား ၎င်းတို့ထံသို့ ရောက်ရှိစေရန်အတွက် နည်းလမ်းပေါင်းစုံဖြင့် ချဉ်းကပ် လှည့်စားလေ့ရှိပါသည်။ ထို့ကြောင့် Google Play Store သို့မဟုတ် Apple App Store ကဲ့သို့သော ယုံကြည်စိတ်ချရသည့် အရင်းအမြစ်များမှသာလျှင် KBZPay app ကို download လုပ်၍ ရယူရန် တိုက်တွန်းပါသည်။
လူကြီးမင်း၏ အကောင့်လုံခြုံမှုအတွက် KBZPay app ကို နောက်ဆုံး version သို့ အဆင့်မြှင့်တင်ထားရန် လိုအပ်သလို အခြားသူများနှင့် မျှဝေသုံးစွဲထားသည့် device များဖြင့် မိမိ၏ KBZPay သို့ login ဝင်ရောက်ခြင်း ကိုရှောင်ကြဉ်သင့်ပါသည်။
မိမိ၏ အကောင့်တွင် သံသယဖြစ်ဖွယ်ငွေကြေးဆောင်ရွက်ချက်များကို သတိပြုမိလျှင်ဖြစ်စေ၊ အကူအညီ လိုအပ်လျှင်ဖြစ်စေ KBZPay ၏ Hotline 3211 သို့ ၂၄ နာရီ ဆက်သွယ် အကူအညီ တောင်းခံနိုင်ပါသည်။
အသုံးပြုသူများအတွက် လုံခြုံစိတ်ချရသည့် ငွေကြေးဝန်ဆောင်မှုများရရှိစေရေးသည် KBZPay ၏ ဦးစားပေးဖြစ်သည့်အတွက် လုပ်ငန်းစဉ်တိုင်း၌ လူကြီးမင်းအား အထောက်အကူပြုပေးသွားမည်ဖြစ်ပါသည်။ အသုံးပြုသူများအနေဖြင့်လည်း မိမိ၏ဒစ်ဂျစ်တယ်ပိုက်ဆံအိတ်ကို ပိုမိုစိတ်ချလုံခြုံစွာအသုံးပြုနိုင်ရန် ယခုအသိပေး ချက်များအား အလေးဂရုပြု၍ လိုက်နာဆောင်ရွက်ကြပါရန် တိုက်တွန်းပါသည်။
Oct 30, 2024
KBZPay Center တွေမှာ ကမ္ဘောဇဘဏ်၏ Visa, MPU-UPI, MPU အကြွေးဝယ်ကတ်များနှင့် ပတ်သက်သော အောက်ပါ ဝန်ဆောင်မှုများကို လျှောက်ထားရယူနိုင်မှာဖြစ်ပါတယ်။
(၁) New Secured Credit Card Application (အပ်ငွေနောက်ခံပြုထားသော အကြွေးဝယ်ကတ် လျှောက်ထားခြင်း)
(၂) Supplementary Card Application (ဆင့်ပွားအကြွေးဝယ်ကတ် လျှောက်ထားခြင်း)
(၃) Credit Card Replacement (အကြွေးဝယ်ကတ် အစားထိုးလျှောက်ထားခြင်း)
(၄) Credit Card Renewal (အကြွေးဝယ်ကတ် သက်တမ်းတိုးလျှောက်ထားခြင်း)
Credit Card Renewal (အကြွေးဝယ်ကတ် သက်တမ်းတိုးလျှောက်ထားခြင်း)အား Credit Limit ၂၄ သိန်းနှင့်အောက် ရှိသောကတ်များကိုသာ KBZPay Center (၂၈) ခုတွင် လျှောက်ထားရယူနိုင်မည်ဖြစ်ပါသည်။
လူကြီးမင်းတို့၏ လိုအပ်ချက်နှင့်အညီ ရွေးချယ်နိုင်သည့် KBZ Credit Card အမျိုးအစားများကတော့ –
မြန်မာနိုင်ငံရှိ KBZPay Center များ၏တည်နေရာနှင့် Credit Card ဝန်ဆောင်မှုရယူနိုင်သောနေရာများမှာ အောက်ပါအတိုင်းဖြစ်ပါသည်။
| စင်တာ နာမည် | စင်တာ Code | တည်နေရာ |
|---|---|---|
| Times City စင်တာ | Center 001- YGN01 | အမှတ် (၂၁၇), Shop house 2, Time City Complex, ဟံသာဝတီလမ်းနှင့် ကျွန်းတောလမ်းထောင့်, ကမာရွတ်မြို့နယ်၊ ရန်ကုန်မြို့။ |
| မင်းရဲကျော်စွာစင်တာ | Center 002- YGN02 | အခန်းအမှတ် အေ-၁၊ ပထမထပ် ၊ မင်းရဲကျော်စွာလမ်း၊ (City Mall St. John ဘေး) လမ်းမတော်၊ ရန်ကုန်မြို့။ |
| တောင် ဥက္ကလာပစင်တာ | Center 003- YGN03 | အမှတ် ၃၃၇၊ မြေညီထပ်၊ ရတနာလမ်း၊ ရန်ကုန်မြို့။ |
| ရေကျော်စင်တာ | Center 004- YGN04 | အခန်း ၁၀၈၊ မြေညီထပ်၊ ဗိုလ်ချုပ်လမ်းနှင့် ရေကျော်လမ်းထောင့်၊ ၉ရပ်ကွက်၊ ပုဇွန်တောင်မြို့နယ်၊ ရန်ကုန်မြို့။ |
| စမ်းချောင်း ပဒုမ္မာစင်တာ | Center 005- YGN05 | အမှတ် (၁၆၂)၊ RM A1၊ မြေညီထပ်၊ စမ်းချောင်းလမ်းနှင့် အနောက်မြေနီကုန်းလမ်းထောင့်၊ စမ်းချောင်းမြို့နယ်၊ ရန်ကုန်မြို့။ |
| အနော်ရထာစင်တာ | Center 011- YGN07 | အမှတ် ၂၁၆၊ ၂၁၈၊ ၂၂၀၊ အနော်ရထာလမ်း၊ ၁၁ ရပ်ကွက်၊ ပန်းဘဲတန်းမြို့နယ်၊ ရန်ကုန်မြို့။ |
| ရွှေတောင်တန်းစင်တာ | Center 012- YGN08 | အမှတ် ၄၉၀၊ ကမ်းနားလမ်းနှင့် ရွှေတောင်တန်းလမ်းထောင့်၊ ၇ ရပ်ကွက်၊ လမ်းမတော်မြို့နယ်၊ ရန်ကုန်မြို့။ |
| လှည်းတန်းစင်တာ | Center 013- YGN09 | အမှတ် (၂၁/၂၃) C1 မြေညီထပ် လှည်းတန်းလမ်း၊ ၃ ရပ်ကွက်၊ ကမာရွတ်မြို့နယ်၊ ရန်ကုန်မြို့။ |
| လှိုင်သာယာတပင်ရွှေထီးစင်တာ | Center 014- YGN10 | အမှတ် ၀၂၊ မြေညီထပ်၊ တပင်ရွှေထီးနှင့် ညောင်တုန်းလမ်း၊ တပင်ရွှေထီးအိမ်ရာ၊ လှိုင်သာယာမြို့နယ်၊ ရန်ကုန်မြို့။ |
| စံပြဈေးစင်တာ | Center 020- YGN11 | အမှတ် ၅၇၊ လေးထောင့်ကန် လမ်း၊ လေးထောင့်ကန် ရပ်ကွက်၊ သင်္ဃန်းကျွန်းမြို့နယ်၊ ရန်ကုန်မြို့။ |
| ကျောက်မြောင်း စင်တာ | Center 021- YGN12 | အမှတ် ၂၀၆၊ ကျိုက်ကစံ လမ်း၊ ကျားကွက်သစ် ရပ်ကွက်၊ တာမွေ မြို့နယ်၊ ရန်ကုန်မြို့။ |
| ကျောက်တံတားစင်တာ | Center 022- YGN13 | ၃၃/၄၉၊ မဟာဗန္ဓုလ ပန်းခြံ လမ်း၊ ရပ်ကွက် ၂၊ ကျောက်တံတား မြို့နယ်၊ ရန်ကုန်မြို့။ |
| ရွေကန်သာယာစင်တာ | Center 024- YGN15 | အမှတ် ၉/၁၁၊ ရွှေကမ်းသာယာအိမ်ယာ၊ ရန်ကုန်_ပုသိမ်လမ်းမကြီး၊ လှိုင်သာယာ၊ ရန်ကုန်မြို့။ |
| ဒေါပုံ ယမုံနာစင်တာ | Center 025- YGN16 | အမှတ် ၆၁၊ ယမုံနာလမ်း၊ ဇေယျာသီရိရပ်ကွက်၊ ဒေါပုံ၊ ရန်ကုန်မြို့။ |
| အင်းစိန် ကြို့ကုန်းစင်တာ | Center 026- YGN17 | အမှတ် ၃၁(အေ) မဟာသုခိတာလမ်း၊ အရှေ့ကြို့ကုန်း၊ အင်းစိန်၊ ရန်ကုန်မြို့။ |
| လှိုင်သာယာမီးခွက်စျေးစင်တာ | Center 037- YGN18 | အမှတ် ၂၈၅ အေ၊ စိန်ပန်းမြိုင်လမ်းနှင့် တေးဥယျာဥ်လမ်း၊ ၇ရပ်ကွက်၊ လှိုင်သာယာ၊ ရန်ကုန်မြို့။ |
| ရွှေပြည်သာစင်တာ | Center 039- YGN19 | အမှတ် ၅/၄-၁၅၇၊ ဗိုလ်ချုပ်လမ်းနှင့် ခိုင်မာလာလမ်းထောင့်၊ ရွှေပြည်သာ၊ ရန်ကုန်မြို့။ |
| သာကေတစင်တာ | Center 040- YGN20 | အမှတ် (၃၂) ဇင်္ဂမလမ်း၊ ၂ မြောက်ရပ်ကွက်၊ သာကေတမြို့နယ်၊ ရန်ကုန်မြို့။ |
| စမ်းချောင်း ဗဟိုလမ်းစင်တာ | Center 041- YGN21 | အမှတ် (၁၆၀-၁၆၄) အခန်း ဒီ(၁), ဗဟိုလမ်း (ညောင်တုန်းလမ်းနှင့် မအူပင်လမ်းကြား)၊ စမ်းချောင်း၊ ရန်ကုန်မြို့။ |
| ပါရမီစင်တာ | Center 42- YGN22 | (၂၁၄-က) မြေညီထပ်, (၁၂) ရပ်ကွက် ,အင်းစိန်လမ်းမကြီး, လှိုင်မြို့နယ်၊ ရန်ကုန်မြို့။ |
| အောင်မင်္ဂလာစင်တာ | Center 43- YGN23 | အဝေးပြေးယာဉ်ဆိုက်ရောက်နေရာ၊ အောင်မင်္ဂလာအဝေးပြေးယာဉ်ရပ်နားစခန်း၊ မင်္ဂလာဒုံ၊ ရန်ကုန်မြို့။ |
| ရန်ကုန်ဘူတာကြီးစင်တာ | Center 044 - YGN 24 | ရိုးရိုးတန်း ဝင်ပေါက်၊ ရန်ကုန်ဘူတာကြီး၊ ကွမ်းခြံလမ်း၊ မင်္ဂလာတောင်ညွန့်၊ ရန်ကုန်မြို့။ |
| မြန်မာစင်တာ | Center 047 - YGN 26 | (G-26, G-27), မြန်မာစင်တာ၊ အမှတ် (၁၉၂), ကမ္ဘာအေးဘုရားလမ်း၊ ဗဟန်းမြို့နယ်၊ ရန်ကုန်မြို့။ |
| မန္တလေး ပြည်ကြီးမျက်ရှင်စင်တာ | Center 007- MDY01 | အခန်းအမှတ် (A/၈)၊ လမ်း၃၀၊ ၆၄x၆၅ ကြား၊ ချမ်းအေးသာဇံမြို့နယ်၊ မန္တလေးတိုင်းဒေသကြီး |
| မန္တလေး မနော်ဟရီစင်တာ | Center 008- MDY02 | အမှတ် F 9/91, အခန်း (၂)၊ မနော်ဟရီလမ်း၊ ၆၅ နှင့် ၆၆ လမ်းကြား၊ မြို့သစ် (၂) ရပ်ကွက်၊ ချမ်းမြေ့သာစည်မြို့နယ်၊ မန္တလေးတိုင်းဒေသကြီး |
| မန္တလေး ရဲမွန်တောင်စင်တာ | Center 009- MDY03 | အမှတ် (၁၀)၊ အကွက်အမှတ် (မ-၇၉)၊ ၃၅လမ်း (၅၆x၅၇ ကြား) မဟာအောင်မြေမြို့နယ်၊ မန္တလေးတိုင်းဒေသကြီး |
| သီရိမန္တလာစင်တာ | Center 038- MDY04 | အခန်း (ည ၁ + ည ၂), သီရိမင်္ဂလာဆိုင်တန်း၊ ၂၂လမ်းနှင့် ၈၉လမ်းထောင့်၊ သီရိမန္တလာကားဝန်း၊ အောင်မြေသာဇံမြို့နယ်၊ မန္တလေးတိုင်းဒေသကြီး |
| နေပြည်တော်စင်တာ | Center 015- NayPyiTaw01 | KBZ ဘဏ်ခွဲ (၅) 261/262/268/269၊ ရာဇသင်္ဂလမ်း၊ သပြေကုန်းရပ်ကွက်၊ ဇမ္ဗူသီရိမြို့နယ်၊ နေပြည်တော်။ |
Aug 13, 2024
KBZPay ရဲ့ Piti Mall Mini App ရှိ ဆိုင်ပေါင်း (၅၀) ကျော်တွင် အလှအပရေးရာ နှင့် လူသူံးကုန်ပစ္စည်းများ၊ မိုဘိုင်းလ် ဖုန်းနှင့် ဆက်စပ်ပစ္စည်းများ၊ အဝတ်အထည်များ၊ မိမိတို့၏ သားသားနဲ့မီးမီးလေး တို့အတွက်လိုအပ်သော အသုံးဆောင်ပစ္စည်းများ၊ အိမ်မွေးတိရိစ္ဆာန် ပစ္စည်းများ၊ ပရိဘောဂ နှင့် အိမ် အလှဆင်ပစ္စည်းများ အပြင်အခြားသော ပစ္စည်းမျိုးစုံကို လူကြီးမင်းတို့စိတ်ကြိုက် ရွေးချယ်ဝယ်ယူနိုင်ပါပြီ။
မိမိတို့ဝယ်ယူထားသော ပစ္စည်း များကို အိမ်အရောက် ပို့ဆောင်ပေးသော ဝန်ဆောင်မှုပါ ရှိတာကြောင့် အခုပဲ KBZPay ရဲ့ Piti Mall Mini App မှာ ဈေးဝယ်ရင်း KBZPay နဲ့ငွေပေးချေလိုက် တော့နော်။
KBZPay ရဲ့ စိတ်ဝင်စားဖွယ် အစီအစဉ်တိုင်းမှာ ပါဝင်နိုင်မှာဖြစ်တဲ့အတွက် သင့် KBZPay အက်ပလီကေးရှင်းကိုလည်း အခုပဲနောက်ဆုံးဗားရှင်းသို့မြှင့်တင်လိုက်ပါ။
#ဘာပဲဝယ်ဝယ် KBZPay ရဲ့ Piti Mall Mini App မှာဝယ်
Android: https://bit.ly/3rTwa2J
Aug 05, 2024
မိုဘိုင်းငွေကြေးဝန်ဆောင်မှုလုပ်ငန်းများမှ လိုက်နာရမည့် မူဝါဒ အသစ် အရ KBZPay Customer App ၏ e-Wallet အကောင့်ထဲတွင် လက်ကျန်ငွေ ကျပ် သိန်း ၁၀၀ အထိ ထားရှိနိုင်မှာဖြစ်ပါတယ်။ KBZPay အသုံးပြုသူများ အနေဖြင့် ငွေကြေးစီမံမှုများ လွယ်ကူစွာ ဆက်လက်ပြုလုပ်နိုင်ရန်အတွက် KBZPay အကောင့် သုံးစွဲမှုနှင့် ပတ်သက်သည့် နည်းလမ်းများကို ဝေမျှလိုက်ပါတယ်။
ပထမ နည်းလမ်း အနေဖြင့် မိမိ၏ KBZPay e-Wallet အကောင့်ထဲတွင် လက်ကျန်ငွေ သိန်း ၁၀၀ ထက် ပိုသော ငွေကြေးပမာဏ များရှိပါက ချိတ်ဆက်ထားသော ဘဏ်အကောင့်အတွင်းသို့ မိမိကိုယ်တိုင် လွှဲပြောင်းနိုင်ပါ သည်။ ချိတ်ဆက်ထားသော ဘဏ်အကောင့် မရှိသေးပါက နီးစပ်ရာ ကမ္ဘောဇဘဏ် သို့ သွားရောက်၍ ဘဏ်အကောင့်အား ချက်ချင်း အလွယ်တစ်ကူ ဖွင့်လှစ်နိုင်မှာ ဖြစ်ပါတယ်။
ဒုတိယ နည်းလမ်း အနေဖြင့် မိမိ၏ KBZPay e-Wallet အကောင့်ထဲတွင် လက်ကျန်ငွေ သိန်း ၁၀၀ ထက် ပိုသော ငွေကြေးပမာဏအား KBZPay Customer App တွင် အလိုအလျောက်ဖွင့်လှစ်ပေးသွားမည့် Transit Wallet အကောင့်အတွင်းသို့ ယနေ့ည (၁၀) နာရီ တွင် KBZPay မှ လွှဲပြောင်းဆောင်ရွက်ပေးသွားမည် ဖြစ်ပါတယ်။
KBZPay မှ လွှဲပြောင်းပေးပြီးနောက် Customer အား SMS ဖြင့် အကြောင်းကြားသွားမည်ဖြစ်ပြီး မိမိ e-Wallet ၏ စုစုပေါင်းစာရင်းပမာဏ ကို အလွယ်တကူ ကြည့်ရှုနိုင်မှာဖြစ်ပါတယ်။ ထိုသို့ ကြည့်ရှုနိုင်ရန် KBZPay App version 5.7.1 အား Update ပြုလုပ်ထားရန်လိုအပ်ပါတယ်။
Transit Wallet အကောင့် နှင့် ပတ်သက်ပြီး သိသင့်သောအချက်များ
Transit Wallet အကောင့် ဆိုသည်မှာ KBZPay application ထဲတွင် အသစ်ထွက်ရှိထားသော Wallet အကောင့် အမျိုးအစားတစ်ခုဖြစ်ပြီး KBZPay ထဲတွင် ထားရှိနိုင်သော လက်ကျန်ငွေ ပမာဏအား မိုဘိုင်းငွေကြေးဝန်ဆောင်မှု လုပ်ငန်းများမှ လိုက်နာရမည့် မူဝါဒအသစ်နှင့် ကိုက်ညီစွာ အသုံးပြုနိုင်ရန် ရည်ရွယ်ပြုလုပ်ထားသည့် Wallet အကောင့်တစ်ခုဖြစ်ပါသည်။
Transit Wallet အကောင့် ကို
(၁) KBZPay e-Wallet အကောင့်ထဲတွင် လက်ကျန်ငွေ သိန်း ၁၀၀ ထက် ပိုသော ငွေကြေးပမာဏ အား Transit Wallet အကောင့် ထဲသို့ ယနေ့ည (၁၀) နာရီ တွင် KBZPay မှ လွှဲပြောင်းဆောင်ရွက်ပေးသွားမည် ဖြစ်ပါသည်။
(၂) KBZPay e-Wallet ထဲရှိ ငွေပမာဏသည် မိမိ ငွေပေးချေရန် (သို့) အသုံးပြုရန် လိုအပ်နေသော ပမာဏများကိုလည်း Transit Wallet အကောင့် မှတစ်ဆင့် ပြန်လည်လွှဲပြောင်း၍ အသုံးပြုနိုင်ပါ သည်။
(၃) Transit Wallet အကောင့် ထဲရှိ ငွေပမာဏများကို e-Wallet နှင့် Bank Account သို့ လွှဲပြောင်း၍ အသုံးပြုနိုင်ပါသည်။
KBZPay အကောင့်ထဲရှိ လက်ကျန်ငွေ စစ်ဆေးပုံ အသေးစိတ်များ
KBZPay Home Screen တွင် မြင်တွေ့ရသော e-Wallet Balance ဆိုသည်မှာ e-Wallet ထဲရှိ လက်ကျန်ငွေပမာဏကို ခေါ်ဆိုခြင်းဖြစ်ပါသည်။ (KBZPay e-Wallet အကောင့်၏ လက်ကျန် ငွေပမာဏမှာ သိန်း ၁၀၀ အထိ ထားရှိနိုင်ပါသည်။) Total Balance ဆိုသည်မှာ e-Wallet နှင့် Transit Wallet အကောင့်တို့၏ စုစုပေါင်းစာရင်းပမာဏ ဖြစ်ပြီး Partial Frozen ပမာဏ ရှိခဲ့ပါကလည်း ယခု နေရာတွင် စုစုပေါင်းအနေဖြင့် ဖော်ပြပေးထားမှာ ဖြစ်ပါတယ်။
ယနေ့တွင် မိမိ၏ KBZPay e-Wallet အကောင့်ထဲတွင် လက်ကျန်ငွေ ကျပ်သိန်း ၁၀၀ ထက် ပိုသော ငွေကြေးပမာဏအား KBZPay Application တွင် အလိုအလျောက်ဖွင့်လှစ်ပေးသွားမည့် Transit Wallet အကောင့်အတွင်းသို့ ယနေ့ည (၁၀) နာရီ တွင် KBZPay မှ လွှဲပြောင်းဆောင်ရွက်ပေးသွားမည် ဖြစ်ပါတယ်။ ကျပ်သိန်း ၁၀၀ ထက် မကျော်ပါက Transit Wallet တွင် “0” သာ မြင်ရမှာ ဖြစ်ပါတယ်။
My Balance စာမျက်နှာရှိ Total Balance ဆိုသည်မှာ e-Wallet နှင့် Transit Wallet အကောင့်များ အားလုံး၏ စုစုပေါင်းစာရင်း လက်ကျန်ငွေပမာဏကို ပြသပေးထားခြင်းဖြစ်ပြီး Available Balance တွင် e-Wallet နှင့် Transit Wallet အကောင့်တို့၏ အားလုံးပေါင်းပမာဏကို ပြသပေးထားမှာ ဖြစ်ပါတယ်။
(မှတ်ချက်။ မိမိ KBZPay အကောင့်တွင် Partial Frozen ပမာဏ ရှိပါက Available Balance တွင် ထိုပမာဏအား လျှော့၍ ပြသနေမည်ဖြစ်ပြီး Available Balance ဘေးရှိ အဝါရောင် icon အား နှိပ်ပြီး အသေးစိတ် ကြည့်ရှုစစ်ဆေးနိုင်ပါသည်။)
အလိုလျောက် ငွေလွှဲသည့် စနစ် အလုပ်လုပ်ပုံနှင့် သတ်မှတ်ချက်များ
လိုက်နာဆောင်ရွက်ရန် အချက်များ
သတ်မှတ်ချက်နှင့် ဝန်ဆောင်ခများ ကို ယခု လင့်ခ့်မှ တစ်ဆင့် ကြည့်ရှုနိုင်ပါသည်။
Jul 11, 2024
KBZPay အသုံးပြုသူများ အနေဖြင့် မိမိနှင့် ချစ်ခင်ရင်းနှီးသော မိတ်ဆွေ ၊ သူငယ်ချင်းများကို KBZPay အကောင့်ဖွင့်ရန် ဖိတ်ခေါ်ပြီး ပြန်အမ်းငွေများ နှင့် အတူ iPhone 14 Pro ကံထူးနိုင်မယ့် အခွင့်အရေးတစ်ခု ရှိပါတယ်။
KBZPay အသုံးပြုသူများမှ အကောင့်ဖွင့်ရန် ဖိတ်ခေါ်ခံရသော သူသည် KBZPay Level 2 သို့ အောင်မြင်စွာဖွင့်လှစ်ပြီးပါက ဖိတ်ခေါ်သူမှ ၁,၂၀၀ကျပ် ပြန်အမ်းငွေ ရရှိနိုင်မည် ဖြစ်ပြီး ဖိတ်ခေါ်ခံရသူ မှ ၁,၀၀၀ ကျပ် တန်ဖိုးရှိ ကူပွန်များ ( ပြန်အမ်းငွေ ၃၀၀ ကျပ်၊ ဖုန်းဘေလ်ဖြည့် ကူပွန်အတွက် ၃၀၀ ကျပ် နှင့် KBZPay Market ကူပွန် အတွက် ၄၀၀ ကျပ်) ရရှိမှာဖြစ်ပါတယ်။
KBZPay အသုံးပြုသူ ၁ ဦးမှ အသုံးပြုသူ အသစ်များကို အကန့်အသတ်မရှိ ဖိတ်ခေါ်နိုင်မှာ ဖြစ်ပြီး ပထမဦးဆုံး အောင်မြင်တဲ့ ဖိတ်ခေါ်မှုအတွက် ပြန်အမ်းငွေ ၁,၂၀၀ ကျပ် ၊ ဒုတိယအကြိမ် မြောက်မှ စတင်တဲ့ ထပ်တိုးဖိတ်ခေါ်မှုများအတွက် ပြန်အမ်းငွေ ၂,၀၀၀ ကျပ် စီ ရယူနိုင်မှာဖြစ်ပါတယ်။
ဒါ့အပြင် အသုံးပြုသူ အသစ်အများဆုံး အောင်မြင်စွာ ဖိတ်ခေါ်နိုင်တဲ့ သူတစ်ဦးကိုလည်း iPhone 14 Pro ဆုလက်ဆောင် ရရှိနိုင်မယ့်အခွင့်အရေးရှိတာဖြစ်လို့ အခုပဲ မိတ်ဆွေသူငယ်ချင်းတွေကို ယခု လင့်ခ့် ကနေ တစ်ဆင့် ဖိတ်ခေါ်လိုက်ရအောင်။
ယခုကမ်ပိန်းကာလ မှာ ဇူလိုင် ၁၀ ရက်နေ့မှ ၂၀၂၄ ခုနှစ် ဩဂုတ်လ ၈ ရက် နေ့အထိ ဖြစ်ပါတယ်။
KBZPay ရဲ့စိတ်ဝင်စားဖွယ်အစီအစဉ်တိုင်းမှာပါဝင်နိုင်ဖို့နဲ့ ပိုမိုကောင်းမွန်တဲ့ သုံးစွဲမှုအတွေ့အကြုံအတွက် KBZPay Level 2 သို့ အဆင့်မြှင့်ပြီး သင့် KBZPay အက်ပလီကေးရှင်းကိုလည်း နောက်ဆုံးဗားရှင်းသို့မြှင့်တင်လိုက်ပါ။
iOS: https://apple.co/31igRU9
Android : https://bit.ly/3rTwa2J
Jul 02, 2024
၁။ Call Center ဖုန်းနံပါတ် 3211 ကိုဆက်သွယ်ပါ။ (သို့မဟုတ်) query@kbzpay.com သို့ email ပေးပို့ပါ။
၂။ အကောင့်ဖျက်သိမ်းရန်တောင်းဆိုပါ။
၃။ Call Center အေးဂျင့်မှလမ်းညွှန်ပေးသောနည်းလမ်းအတိုင်းဆက်လက်လုပ်ဆောင်ပါ။
၄။ လုပ်ဆောင်မှုပြီးဆုံးပါက သင်၏တောင်းဆိုမှုကို ၃ ရက်အတွင်းလုပ်ဆောင်ပေးမည်ဖြစ်ပါသည်။
သတိပေးချက်
အကောင့်ဖျက်သိမ်းပြီးပါက
၁။ KBZPay ၏ဝန်ဆောင်မှုများကို အသုံးပြုနိုင်မည်မဟုတ်ပါ။
၂။ သင်၏ကိုယ်ရေးအချက်အလက်များကို ဖျက်သိမ်းလိုက်မည်ဖြစ်ပါသည်။
၃။ သင်၏လုပ်ဆောင်ချက်မှတ်တမ်းများကို ဖျက်သိမ်းလိုက်မည်ဖြစ်ပါသည်။
