KBZPay နှင့် K PLUS တို့ ပူးပေါင်းပြီး ထိုင်းနိုင်ငံ မှ မြန်မာနိုင်ငံသို့ Cross Border ဒီဂျစ်တယ် ငွေလွှဲဝန်ဆောင်မှုကို စတင်မိတ်ဆက်လိုက်ပါပြီ 

မြန်မာနိုင်ငံရှိ Mobile Wallet များထဲမှာမှ အအောင်မြင်ဆုံးနှင့် အသုံးပြုရ လွယ်ကူ အဆင်ပြေဆုံး ဖြစ်သည့် KBZPay နှင့်  ထိုင်းနိုင်ငံ၏ ဒစ်ဂျစ်တယ် ဘဏ်လုပ်ငန်းများထဲမှ ထိပ်တန်း ဘဏ်လုပ်ငန်းတစ်ခုဖြစ်သည့် KBank နှင့် ပူးပေါင်းလိုက်ပြီဖြစ်ပါသည်။ ဤပူးပေါင်းဆောင်ရွက်မှုသည် ထိုင်းနိုင်ငံရှိ ရွှေ့ပြောင်း အလုပ်သမားများအတွက် ထူးခြားသော Cross Border ဒစ်ဂျစ်တယ် ငွေလွှဲခြင်း အတွေ့အကြုံကို ပေးဆောင်ရန် ရည်ရွယ်သည့်အပြင် စမတ်ကျ၍ လွယ်ကူလုံခြုံသော ဒစ်ဂျစ်တယ်လုပ်ငန်းစဉ်ကို အသုံးပြု၍ မြန်မာနိုင်ငံရှိ မိသားစု သို့မဟုတ် မိတ်ဆွေသူငယ်ချင်းများထံသို့ အချိန်နှင့် တပြေးညီ တိုက်ရိုက်ငွေလွှဲနိုင်စေရန်ဖြစ်ပါသည်။ 

KBZPay Mobile Wallet ရဲ့ နောက်ဆုံးပေါ်စွမ်းဆောင်ရည်များ နှင့် KBank ရဲ့ ဒစ်ဂျစ်တယ်ဘဏ်လုပ်ငန်း လုပ်ဆောင်ချက်များကို ပေါင်းစပ်ထားခြင်းဖြစ်တာကြောင့် ဒစ်ဂျစ်တယ်ငွေလွှဲခြင်း၊ ငွေလက်ခံခြင်းလုပ်ငန်းစဉ်မှာ ရိုးရှင်းလွယ်ကူနေမှာ ဖြစ်ပါတယ်။ ထိုင်းနိုင်ငံရောက် မြန်မာနိုင်ငံသားများက မြန်မာနိုင်ငံရှိ  မိသားစုများထံသို့  ငွေလွှဲတဲ့အခါ လူကိုယ်တိုင် ဘဏ် သွားစရာမလိုတော့ဘဲ  K Plus Mobile Banking ကတစ်ဆင့် KBZPay သို့ တိုက်ရိုက် ငွေလွှဲနိုင်မှာဖြစ်ပါတယ်။  

K Plus Mobile Banking App မှတစ်ဆင့် မြန်မာနိုင်ငံရှိ မိသားစုဝင်များ၏ KBZPay Mobile Wallet ထဲသို့  ငွေလွှဲရာမှာလည်း  လုံခြုံစိတ်ချရပြီး စမတ်ကျသည့် ဒစ်ဂျစ်တယ် လုပ်ငန်းစဉ်တို့ကြောင့် တိုက်ရိုက်ငွေလွှဲပို့သည့်အခါတွင်  ယခင်ကထက် ပိုမိုလွယ်ကူ အဆင်ပြေလာမည်ဖြစ်ပြီး ၁၀၀% ဒစ်ဂျစ်တယ်နည်းလမ်းဖြင့် Smart Phone မှတစ်ဆင့် အချိန်နေရာမရွေး လုပ်ဆောင်နိုင်မည်ဖြစ်ပါသည်။

အထူးအစီအစဉ်အနေနှင့် ၂၀၂၃ ခုနှစ် ဩဂုတ်လ ၁၆ ရက်နေ့ မှ အောက်တိုဘာလ ၃၁ ရက်နေ့အတွင်း K PLUS နှင့် KBZPay သို့ ငွေလွှဲခ အခမဲ့ဖြင့် ငွေလွှဲပေးပို့နိုင်မည်ဖြစ်ပါသည်။ 

လွယ်ကူ ရိုးရှင်းတဲ့ နည်းလမ်းများနှင့် ထိုင်းနိုင်ငံ မှ မြန်မာနိုင်ငံသို့ ငွေလွှဲမည်ဆိုလျှင် အောက်ပါနည်းလမ်းများအတိုင်း လုပ်ဆောင်နိုင်ပါသည်။

မြန်မာနိုင်ငံရှိ ငွေလက်ခံသူများအနေဖြင့် K PLUS မှ လွှဲပို့ငွေများကို KBZPay ၏ Transaction Message (သို့) မှတ်တမ်းမှတစ်ဆင့် ဝင်ရောက်စစ်ဆေးနိုင်ပြီး KBZPay အကောင့်ထဲတွင် တစ်ရက်လျှင် အများဆုံး မြန်မာငွေကျပ် ၅,၀၀၀,၀၀၀ ထိ ငွေလွှဲ လက်ခံနိုင်ပါသည်။ ငွေလွှဲလက်ခံမည့် KBZPay အကောင့်သည် အဆင့် ၂ ( level 2 ) ရှိရန်လိုအပ်ပါသည်။

ငွေသား ထုတ်ယူဖို့အတွက် နီးစပ်ရာ ကမ္ဘောဇဘဏ်ခွဲများတွင်  သွားရောက်ထုတ်ယူနိုင်ပြီး  KBZPay စင်တာ၊ ATMစက်များနှင့် KBZPay အေးဂျင့်များထံတွင်လည်း သတ်မှတ်ထားသော ငွေသားထုတ်ယူမှု ပမာဏအတိုင်း ထုတ်ယူနိုင်မှာဖြစ်ပါသည်။

ဝန်ဆောင်မှုအကြောင်း အသေးစိတ်သိရှိလိုပါက KBZPay Call Center 3211 သို့ ဆက်သွယ်စုံစမ်း မေးမြန်းနိုင်ပါသည်။