“KBZPayနဲ့ ဝယ်ယူပြီး ပြန်အမ်းငွေ ၅သိန်းထိ ကံစမ်းဖို့ အခွင့်အရေး အစီအစဉ်“ စည်းမျဉ်းစည်းကမ်းသတ်မှတ်ချက်များ

၁။ KBZPay သည် ၂၀၂၄ ခုနှစ် ဖေဖော်ဝါရီလ (၈) ရက်နေ့ မှ ၂၀၂၄ ခုနှစ် မတ်လ (၈) ရက်နေ့ အထိကို “KBZPayနဲ့ ဝယ်ယူပြီး ပြန်အမ်းငွေ ၅သိန်းထိ ကံစမ်းဖို့ အခွင့်အရေး” အစီအစဉ်နေ့အဖြစ် သတ်မှတ်ထားပါသည်။ 

၂။ KBZPay Level 1.5 နှင့် KBZPay Level 2 အသုံးပြုသူများသာ ယခု အစီအစဥ်တွင် ပါဝင်နိုင်မည် ဖြစ်ပြီး KBZPay Level 1  အသုံးပြုသူများသည်  KBZPay Level 1.5 သို့မဟုတ် KBZPay Level 2 သို့ အောင်မြင်စွာ အဆင့်မြှင့်တင်ပြီးမှသာ ပါဝင်နိုင်မည် ဖြစ်ပါသည်။ 

၃။ ဤ Campaign ၏ရည်ရွယ်ချက်မှာ KBZPay Level 1.5 နှင့် Level 2 အသုံးပြုသူများအားလုံး KBZPay၏ ခရီးသွားအောက်တွင် ရှိသော “ Flymya” မှဖြစ်စေ၊ Flymya၏ကိုယ်ပိုင် အက်ပလီကေးရှင်းများမှဖြစ်စေ၊ Flymya Webisteမှဖြစ်စေ ဝယ်ယူ၍ KBZPay ဖြင့်အောင်မြင်စွာ ငွေပေးချေမှုများအတွက် ပြန်အမ်းငွေ ၅သောင်းမှ ၅သိန်းကျပ်အထိ ကံထူးခွင့်ရရှိစေလိုသည့် ရည်ရွယ်ချက်ဖြင့် ပြုလုပ်ခြင်း ဖြစ်သည်။

၄။ ဝယ်ယူရန်လိုအပ်သည့် အနည်းဆုံး ပမာဏ သတ်မှတ်ထားခြင်းမရှိပါ။ စည်းကမ်းချက်နှင့် ကိုက်ညီသော ဝယ်ယူသူများအနက်မှ တစ်ရက်လျှင် (၅) သောင်းဆု ကံထူးရှင် တစ်ဦးရွေးချယ်ပေးမည်ဖြစ်ပြီး ရက် (၃၀) အတွက် စုစုပေါင်း(၃၀) ဦး  ရွေးချယ်ပေးမည်ဖြစ်ပါသည်။ (၅) သိန်းဆုအထူးဆု ကံထူးရှင်သည် (၁၀)ရက်လျှင် တစ်ဦးရွေးချယ်ပေးမည်ဖြစ်ပြီး စုစုပေါင်း (၃) ဦး ရွေးချယ်ပေးသွားမည် ဖြစ်ပါသည်။

၅။ ရွေးချယ်ခံရပြီးသော (၅)သိန်းဆုအထူးဆု ကံထူးရှင်များအား နောက်ထပ် (၅)သိန်းဆု အထူးဆု ကံထူးရှင်ရွေးချယ်ရာတွင် ထည့်သွင်းရွေးချယ်သွားမည် မဟုတ်ပါ။ (၅)သောင်းဆု ကံထူးပြီးသော ကံထူးရှင်များသည် အထူးဆု (၅) သိန်းရွေးချယ်ရာတွင်ထပ်မံ ပါဝင်ခွင့် ရရှိမည် ဖြစ်ပါသည်။

၆။ ကံထူးရှင်များအား Flymyaလက်မှတ် ဝယ်ယူပြီး နောက်တစ်ရက်တွင် Flymyaမှ ရွေးချယ်သွားမည်ဖြစ်ပြီး  ကံထူးရှင်များအား Flymya မှ ဖုန်းဖြင့် ဆက်သွယ်အကြောင်းကြား သွားမည်ဖြစ်ပါသည်။ မည်သည့် ကံထူးရှင်ကိုမဆို Flymya မှဆက်သွယ်အကြောင်းကြားသည့် နေ့ရက်မှစ၍ (၂)ရက်အတွင်း ကံထူးရှင်များ၏ ဝယ်ယူထားသော KBZPay Account ထဲသို့တိုက်ရိုက်ထည့်သွင်း၍ ဆုငွေများအား ချီးမြင့်သွားမည်ဖြစ်ပါသည်။

၇။ ပြန်အမ်းငွေများအား ထည့်သွင်းပေးမည့် အချိန်သည် KBZဘဏ်၏ ထိန်းချုပ်နိုင်စွမ်းထက် ကျော်လွန်သည့် ကိစ္စရပ်များကြောင့် ပြန်အမ်းငွေများ အား ထည့်သွင်းချိန် ပြောင်းလဲမှုရှိနိုင်ပါသည်။ 

၈။ ကံထူးရှင်များကို Social Media များ နှင့် Website များ တွင် ကြေညာရန်အလို့ငှာ ကံထူးရှင်များ၏ အမည်နှင့် အလှဓာတ်ပုံ တို့အား KBZ Bank နှင့် Flymya မှ အသုံးပြုနိုင်သည်ကို ကံထူးရှင်မှ သိရှိပြီး သဘောတူပါသည်။ ကံထူးရှင်များသည် ဆုလက်ဆောင် Flymya Facebook Page တွင် Winner Announcement အတွက် ဓာတ်ပုံဖြင့် ကြေငြာရန် အလှဓာတ်ပုံတစ်ပုံ ပေးပို့ပေးရန်လိုအပ်ပါသည်။ အလှဓာတ်ပုံပေးပို့ခြင်းမရှိသည့် ကံထူးရှင်သည် ပြန်အမ်းငွေအားရရှိရန် အကျုံးဝင်နိုင်မည်မဟုတ်ဘဲ ထိုကံထူးရှင်အစား အခြားကံထူးရှင်တစ်ဦးအား ထပ်မံ‌ရွေးချယ်သွားမည် ဖြစ်ပါသည်။ ကံထူးရှင်များအနေဖြင့် ဆုလက်ဆောင်ရရှိရန် အလို့ငှာ Flymya မှသတ်မှတ်ထားသော စည်းကမ်းချက် များအား လိုက်နာရန်လိုအပ်ပြီး စည်းကမ်းချက်နှင့် ကိုက်ညီသော ကံထူးရှင်များသာလျှင် ဆုလက်ဆောင် ရရှိနိုင်ခွင့် ရှိမည်ဖြစ်သည်။ 

၉။ ဤအစီအစဉ်ကာလအတွင်း Flymya တွင် ဝယ်ယူသော KBZPay Customer များအား ပြန်အမ်းငွေများရရှိစေရန်ရည်ရွယ်၍ ပြုလုပ်ခြင်းဖြစ်ပြီး Customer မှ ဝယ်ယူပြီးသော လေကြောင်းခရီးစဉ်လက်မှတ်များ (သို့) ဟိုတယ်ဘိုကင်များ (သို့) ကားလက်မှတ်များ၏ နေ့ရက်နှင့် အချိန်ပြောင်းလဲခြင်း၊ ပယ်ဖျက်ခြင်းနှင့် ပြန်အမ်းငွေတောင်းခံခြင်း၊ ဆုလက်များနှင့်ပတ်သက်၍    အငြင်းပွားခြင်းများကဲ့သို့သော တစ်စုံတစ်ရာ ကိစ္စရပ်များပေါ်ပေါက်ပါက Flymya နှင့် Customer တို့နှင့်သာသက်ဆိုင်မည်ဖြစ်သည်။

၁၀။ ဤအစီအစဥ်ကာလအတွင်းသာလျှင် KBZPay အသုံးပြုသူများအနေဖြင့် ဤစည်းမျဥ်းစည်းကမ်း သတ်မှတ်ချက်ပါ အခွင့်အရေးများကို ရရှိနိုင်မည်ဖြစ်ပြီး ဤအစီအစဥ်ကာလ ကုန်ဆုံးသည်နှင့် တပြိုင်နက် အဆိုပါ အခွင့်အရေးများလည်း ကုန်ဆုံးသွားမည် ဖြစ်ပါသည်။ 

၁၁။ ဤအစီအစဥ်တွင် ပါဝင်ရန် KBZPay Applicationရှိ Banner များ၊ အသိပေးချက်များ၊ KBZPay Official Account မှတစ်ဆင့်ပါဝင်နိုင်ပါသည်။

၁၂။ KBZ ဝန်ထမ်းများနှင့် Flymya ဝန်ထမ်းများသည် အစီအစဥ် တွင်ပါဝင်သူများအားဆက်သွယ်ပြီး ၎င်းတို့၏ OTP, PIN သို့မဟုတ် KBZPay အကောင့်နှင့် ပတ်သက်သည့် မည်သည့်သတင်း အချက်အလက်ကိုမျှ တောင်းခံမည် မဟုတ်ပါ။

၁၃။ ဤအစီအစဥ်ကာလအတွင်း မည်သည့်လိမ်လည်လှည့်ဖြားမှုမျိုးကိုမျှ ဆောင်ရွက်ခြင်း မပြုရန် တားမြစ်ထားပါသည်။ လိမ်လည်မှုအား မည်သည့်ပုံစံမျိုးဖြင့်မဆို ကျူးလွန်သည်ဟု သံသယဖြစ်ခြင်း ခံရသည့် မည်သူ့ကိုမဆို KBZPay က ပယ်ဖျက်ခြင်း နှင့်/သို့မဟုတ် ပိတ်ပင်ခြင်းပြု လုပ်ပိုင်ခွင့်ရှိသည်။

၁၄။ ဤအစီအစဥ်နှင့်ပတ်သက်၍ KBZPay အသုံးပြုသူများ နှင့် KBZPay တို့အကြား အငြင်းပွားမှု တစ်စုံတစ်ရာပေါ်ပေါက်လာပါက ထိုအငြင်းပွားမှုအား KBZPay၏ တာဝန်ရှိသူများမှ ပြဌာန်းဥပဒေအရ အသုံးပြုသူများ၏ ရထိုက်ခွင့်ရှိသည့် အခွင့်အရေးအား ထိခိုက်နစ်နာမှုမရှိစေရန် သေချာစွာ စိစစ်၍ ဖြေရှင်းဆောင်ရွက်ပေးသွားမည် ဖြစ်သည်။

၁၅။ KBZPayသည် မည်သည့်အချိန်တွင်မဆို တစ်စုံတစ်ရာသော အကြောင်းကြောင့် အသိပေး အကြောင်းကြားနိုင်ခြင်းမရှိဘဲ သတ်မှတ်ထားသော စည်းမျဉ်း နှင့် စည်းကမ်းများကို ပြင်ဆင် ပြောင်းလဲခြင်း၊ ရပ်စဲခြင်း နှင့်၊ သို့မဟုတ် အစီအစဥ်အား ပယ်ဖျက်ခွင့် နှင့် အစီအစဥ် နှင့်ပတ်သက်သော အကျိုးခံစားခွင့် သို့မဟုတ် သွင်ပြင်လက္ခဏာများအား ပြောင်းလဲခွင့် နှင့်၊ သို့မဟုတ် ပြင်ဆင်၊ ဖြည့်စွက်၊ ပယ်ဖျက်ပိုင်ခွင့်တို့အား အခြေအနေအရ ပြုလုပ်ဆောင်ရွက်နိုင်သည်။ 

၁၆။ KBZPay အနေဖြင့် တစ်စုံတစ်ရာသောအကြောင်းကြောင့် အသိပေးအကြောင်းကြားနိုင်ခြင်း မရှိဘဲ ဤ အစီအစဥ်အား ပယ်ဖျက်ခြင်း၊ ရပ်စဲခြင်း (သို့မဟုတ်) စည်းကမ်းချက်တစ်စုံတစ်ရာ ပြောင်းလဲခြင်း ကြောင့် KBZPay အသုံးပြုသူများအနေဖြင့် လျော်ကြေးတစ်စုံတစ်ရာ ရပိုင်ခွင့် မရှိသည်ကို သိရှိ သဘောတူပါသည်။ 

၁၇။ KBZPay ဆိုင်ရာနှင့် Flymya ပုံမှန်စည်းမျဉ်းနှင့်စည်းကမ်းသတ်မှတ်ချက်များအကျုံးဝင်စေရမည်။

၁၈။ ဤစည်းမျဉ်းနှင့်စည်းကမ်းသတ်မှတ်ချက်များအား ပြည်ထောင်စုသမ္မတ မြန်မာနိုင်ငံတော်၏ ဥပဒေများ က လွှမ်းမိုးမည်ဖြစ်ပြီး ယင်းဥပဒေများနှင့်အညီအဓိပ္ပါယ်ဖွင့်ဆိုရမည်။

၁၉။ KBZ သည် COVID-19 ဖြစ်ပေါ်မှုကြောင့်ဖြစ်စေ သို့မဟုတ် KBZအနေဖြင့် ထိန်းချုပ်၍မရသော အခြေအနေနှင့်မမျှော်မှန်းနိုင်သော သဘာဝဘေးအန္တရာယ် ဖြစ်ရပ်များ ဖြစ်ပေါ်မှုကြောင့်ဖြစ်စေ ဆောင်ရွက်ထားသည့် မည်သည့်လုပ်ဆောင်မှုမျိုးကိုမဆို အခြေအနေ အရပ်ရပ်ပေါ်မူတည်၍ ပြောင်းလဲခွင့်ရှိပါသည်။ ထိုမမျှော်မှန်းနိုင်သော ဖြစ်ရပ်များ ဖြစ်ပျက်နေစဉ် ကာလအတွင်း ဤစည်းမျဉ်း စည်းကမ်း သတ်မှတ်ချက်များတွင် ဖော်ပြထားသော တာဝန်ဝတ္တရားများကို ဖြည့်ဆည်းရန်၊ ထမ်းဆောင်ရန် KBZ မှ ပျက်ကွက်ခြင်း သို့မဟုတ် နှောင့်နှေးခြင်းများအတွက် KBZ အနေဖြင့် အသုံးပြုသူများအပေါ်တွင်ဖြစ်စေ သို့မဟုတ် အခြားမည်သည့် လူပုဂ္ဂိုလ်တစ်ဉီးဉီးအပေါ်တွင် ဖြစ်စေ တာဝန်ရှိစေခြင်း သို့မဟုတ် ဤစည်းမျဉ်းစည်းကမ်း သတ်မှတ်ချက်များအား ချိုးဖောက်ခြင်း ဖြစ်သည် ဟု မှတ်ယူခြင်းမရှိစေရပါ။

၂၀။ ဤစည်းမျဉ်းနှင့်စည်းကမ်း သတ်မှတ်ချက်များအား အင်္ဂလိပ်ဘာသာနှင့် မြန်မာဘာသာနှစ်မျိုးဖြင့် ရေးသားထားပြီး နှစ်မျိုးစလုံးသည် တူညီသောအဓိပ္ပာယ် သက်ရောက်မှုရှိမည်ဖြစ်သည်။ အင်္ဂလိပ် ဘာသာနှင့် မြန်မာဘာသာနှစ်မျိုးဖြင့်ရေးသားထားခြင်းဖြစ်သောကြောင့် ကွဲလွဲမှု တစ်စုံတစ်ရာ ရှိလျှင် မြန်မာဘာသာဖြင့် ရေးသားထားသည့် စည်းကမ်းသတ်မှတ်ချက်များကိုသာလျှင် အမှန်ယူမည် ဖြစ်သည်။